Чоршанба, 22.09.2021, 21:54
Мой сайт
Главная Регистрация Вход
Приветствую Вас, Гость · RSS
Статистика

 
Главная » 2008 » Декабр » 29 » Уйимга қайтаман эртами ё кеч
02:58
Уйимга қайтаман эртами ё кеч

Янги йил табриги

Хориждаги дўстлар, хаммаларингизни кириб келаётган янги йил билан самимий табриклайман. Янги йилда хаммаларингизга соғ-саломат бўлишларингизни ва мурод-у мақсадларингизга етишларингизни тилайман. Ҳамдардлигим тариқасида ушбу шеъримни қабул қилгайсизлар.
Саиджаҳон Равоний. Андижон.

*****

Уйимга қайтаман эртами ё кеч

Мусофир юртларда кезсам, найлайин,
Бошимдан кечирдим кунларни қийин,
Ёнимда қолмайди гоҳида тийин,
Уйимдан кетишни истамасдим ҳеч,
Уйимга қайтаман ертами ё кеч.

Уйимга сиғмадим торликдан эмас,
Истардим олишни хур, эркин нафас,
Уйимни қилмоқчи эдилар қафас,
Уйимдан кетишни истамасдим ҳеч,
Уйимга қайтаман ертами ё кеч.

Иш излаб кетганлар бўлмоқда хароб,
Жасадлар келмақда кун ора шитоб,
Кузатиб, чекурман қайғу истироб,
Уйимдан кетишни истамасдим ҳеч,
Уйимга қайтаман ертами ё кеч.

Аёллар кўчада бўлди мардикор,
Эркаклар ўлтирар уйида бекор,
Аъёнлар ичинда авжи кирдикор,
Уйимдан кетишни истамасдим ҳеч,
Уйимга қайтаман ертами ё кеч.

Гўдаклар далада пахта терарлар,
Уларга иш учун чақа берарлар,
Еб тўймас хокимлар кўкрак керарлар,
Уйимдан кетишни истамасдим ҳеч,
Уйимга қайтаман ертами ё кеч.

Одамлар қамалур эътиқод учун,
Йўл тўсиқ ташаббус, истеъдод учун,
Минг маддоҳ шай луқма тақдимод учун,
Уйимдан кетишни истамасдим ҳеч,
Уйимга қайтаман ертами ё кеч.

Андижонни эслаб жимирлар этим,
У хақда рўйи-рост гапирган эдим,
Фарзандларим қолди уйимда етим,
Уйимдан кетишни истамасдим ҳеч,
Уйимга қайтаман ертами ё кеч.

Ўйламанг осон деб, хорижда яшаш,
Маза деб, Осло-ю Порижда яшаш,
Кўп қийин соғинч-у илижда яшаш,
Уйимдан кетишни истамасдим ҳеч,
Уйимга қайтаман ертами ё кеч.

Просмотров: 784 | Добавил: himoyachi | Рейтинг: 5.0/1
Copyright MyCorp © 2021
Архив записей