Холдор Вулқон, Канада.

Бир буюк миллат эдинг, халқим, шараф - шонинг қани?
Чўнтагингни киссавурлар кесди, ҳамёнинг қани?

Тошфонарни кўр каби эздинг мажақлаб синдириб,
Қоп-қаро зулматдасан, хуршиди рахшонинг қани?

Бир ҳаромхўр, шумқадам, жўгий бошингда ўлтирар,
Фитна, фаҳш, ғийбат аро тақвою имонинг қани?

Дарбадар ўтди жаҳондин Бобуру Фурқатларинг,
Шерюрак Шовруқ, Эмин бирлан Сулаймонинг қани?